Аграр вузға уҡырға инергә теләһәгеҙ...

Башҡорт дәүләт аграр университетында ситтән тороп уҡырға теләүселәр документтарын онлайн режимда тапшыра ала. Быға Башҡортостанда "Мәғариф" милли проектын әүҙем тормошҡа ашырыу сиктәрендә өлгәшелде.

БДАУ 1 апрелдән ситтән тороп уҡырға инеүгә онлайн документтар ҡабул итә башланы. Ағымдағы йылда аграр вуз баклавриатҡа 75 һөнәр һәм йүнәлеш буйынса студенттар ҡабул итәсәк, уларҙың 43-сө буйынса ситтән тороп уҡырға ла мөмкин. Ситтән тороп уҡыусылар өсөн 350-нән ашыу бюджет урыны бүленә. Бюджет нигеҙендә уҡырға теләүселәргә 24 июлгә тиклем ғариза бирер кәрәк. Коммерция нигеҙендә уҡырға инеүгә документтар 12 ноябргә тиклем дауам итә.