Р. Хәбиров сәхифәһендә балаларҙың хәле менән ҡыҙыҡһынды

Бөгөн Башҡортостан Башлығы Р. Ф. Хәбиров “Бәйләнештә” сайтындағы сәхифәһендә: “Республикала коронавирусҡа бәйле хәл ябайҙан булмауына барығыҙ ҙа шаһитһығыҙ... Әммә беҙ барыбер үҫеш һәм киләсәк тураһында уйлаясаҡбыҙ. Минең өсөн киләсәк – ул,тәү сиратта, белемле һәм дәғүәгә һәләтле балалар. Бының өсөн улар уҡырға тейеш! Беренсе аҙнала, дөрөҫөн әйтәм, дистанциялы уҡытыуҙа насар эшләнек, өслө билдәһенә тип һығымта яһаныҡ. Бөгөн онлайн-дәрестәр һаны аҙнаһына 25 меңдән 35 меңгә еткерелде, 488 мең уҡыусының 312 меңе белем алыуға йәлеп ителде”, - тип яҙҙы. Радий Фәрит улы ата-әсәләргә: ”Балаларығыҙҙың хәле нисек?" – типтә мөрәжәғәт итте һәм турана-тура үҙенең сәхифәһенә хәл-әхүәлдәрен яҙыуҙы һораны.

Ярты көн дауамында төбәк Башлығына 500-ҙән ашыу мөрәжәғәт булды һәм һаман да сәхифәлә комментарийҙар ҡалдырыу дауам итә.

# өйҙәЯҡшыраҡ