Бөгөн “Киләсәккә билет” проекты башлана

"Мәғариф" милли проекты сиктәрендә ойошторолған был срала Рәсәйҙең VI - XI cиныф уҡыусылары ҡатнаша ала.

Проект ике этапта үтәсәк һәм ноябрҙә тамамланасаҡ. Маҡсат - балаларға киләсәккә һөнәр һайларға ярҙам итеү. Һәләтеңә, булмышыңа, теләгеңә ҡарап, үҙеңә оҡшаған, ҡулыңдан килерҙәй һөнәрҙе һайлаһаң, һәйбәтерәк бит. Беренсе этапта проекттың сайтында бирелгән тестарҙы үтеп, һөнәрҙәрҙе белеүең-белмәүеңде тикшерергә мөмкин. Шәхси кабинетта - бөтәһе 60 тест. Күберәк үтһәң, система һинең мөмкинлектәреңде, ҡыҙыҡһыныуҙарыңды баһалап, практик сараларҙы һәм тәҡдимдәрҙе лә теүәлерәк табасаҡ.

Икенсе этапта теге йәки был һөнәрҙе үҙ елкәңдә татып ҡарарға мөмкин. Тестарҙы, онлайн дәрестәрҙе теркәлмәйенсә лә үтергә була. Ә бына проектта башынан аҙағынаса ҡатнашырға теләгән балаларҙы атай-әсәйҙәре сайтта теркәргә тейеш.

#национальныепроекты #регпроекты #нацпроектыБашкортостан