Мәктәп залдары яңырасаҡ

”Мәғариф” милли проекты сиктәрендә 2024 йылға тиклем ауыл мәктәптәрендәге спорт залдарының матди-техник базаһы яңыртыласаҡ.

Башҡортостанда иһә 288 ауыл мәктәптәре спорт залдары өр-яңы төҫ аласаҡ. Республоика Хөкүмәте менән Рәсәй Мәғариф министрлығы араһында был ҙур проектты тормошҡа ашырыу тураһында килешеү төҙөлгән.

Министрлыҡтан белдереүҙәренсә, проект буйынса спорт залдары, спорт майҙансыҡтары яңыртыласасҡ, шулай уҡ мәктәп спорт клубтарын үҫтереү ҡарала. Проект буйынса быйылғы уҡыу йылы башына ауылдарҙа һәм бәләкәй ҡалаларҙа 43 мәктәп спорт залдары тәртипкә килтереләсәк.