Уҡытыусыларға ярҙамға

Уҡыусыларҙың төплө белемле булыуы мөғәллимдәрҙең һөнәри оҫталығынан тора. Шуға күрә, уҡытыусының квалификацияһын күтәреү иғтибар үҙәгендә. Милли проект һанлы технологиялар ҡулланырға өйрәтеү өсөн төрлө вуздар базаһында оҫталыҡ дәрестәре ойоштора. Мәҫәлән, Урал дәүләт университетында (Свердловск өлкәһе) «Киләсәк уҡытыусыһы» үҙәге эшләй, ул педагогтарҙы ил күләмендәге конкурстарға әҙерләй, быйыл ғына унда ҡатнашыуға 40 меңгә яҡын заявка булған. Был бәйгелә Рәсәйҙә эшләүсе һәр педагог ҡатнаша ала.

Бәләкәй ауыл мәктәптәрендә асылған «Үҫеү нөктәһе» үҙәктәрендә лә йәш уҡытыусылар үҙҙәренең тәжрибәһен арттырып, яңыса эшләргә өйрәнә. Әлегә илдә 5 мең «Үҫеү нөктәһе» эшләй.