Уҡырға инеү буйынса һорауҙарығыҙ булһа...

11-се класс уҡыусыларын документтарын бер үк ваҡытта төрлө урынға бирергә мөмкин булған йүнәлештәр, абитуриентҡа вузға ингәндә өҫтәмә балл ҡушып иҫәпләүҙәр, практика һәм эшкә урынлашыу кеүек һорауҙар ҡыҙыҡһындыра ғәҙәттә. Уларҙы һәр шаршамбы ҡабул итеү кампанияһының үҙенсәлектәрен аңлатыу һәм уҡырға инеү “стратегия”һы буйынса Башҡортостандың төп вуздары ректорҙары ҡатнашлығында тура эфирҙа уҙғарылған брифингтарҙа бирергә мөмкин.

Әйткәндәй, быйыл иҡтисад секторы өсөн квалификациялы кадрҙар әҙерләү маҡсатында маҡсатлы йүнәлеш буйынса уҡырға инеү өсөн урындар һаны арттырылған. Шуныһы һөйөнөслө, һуңғы йылдарҙа үҙебеҙҙәге вуздарҙа белем алырға теләүселәр һаны арта бара. Студенттарға үҙебеҙҙең республика предприятиеларында практика үтеп, артабан шунда уҡ эшкә урынлашыу мөмкинлеге бар. “Мәғариф” милли проекты буйынса башҡа шарттар ҙа байтаҡ студенеттар өсөн, уҡырға теләгең генә булһын.