+11 °С
Ясно
Мәғариф
31 Марта 2021, 12:25
Уҡыусылар ҙа эшҡыуар була ала
Уҡыусыларҙың финанс белемен үҫтереү, уларҙың эшҡыуарлыҡ инициативаларын хуплау маҡсатында 1 - 9-сы кластар уҡыусылары өсөн "Йәш эшҡыуар" Бөтә Рәсәй онлайн-олимпиадаһы старт алды.
Олимпиада Учи.ру платформаһы аша, "Кесе һәм урта эшҡыуарлыҡ һәм эшҡыуарлҡ инициативаларын яҡлау" милли проекты сиктәрендә, Рәсәй Иҡтисади үҫеш министрлығы, Үҙәк банк һәм Финанс грамоталылыҡ ассоциацияһы тарафынан тормошҡа ашырыла. Уның йөкләмәләре реаль тормошҡа яҡынайтып эшләнгән һәм балаларға төплө ғәмәли белем бирә. Олимпиадала ҡатнашҡан уҡыусылар үҙ аллы ҡарар ҡабул итергә, бюджет тупларға, үҙ ваҡытын дөрөҫ бүлергә өйрәнә.
Бәйге Рәсәйҙең бөтә төбәктәрендә 13-нән 26 апрелгә тиклем үтә, төп туры 27-һенән 17 майға хәтлем бара. Ҡатнашыу өсөн интернетҡа инеү мөмкинлеге һәм Учи.ру платформаһында теркәлеү кәрәк.
Тулыраҡ мәғлүмәт өсөн телефон: 8-800-500-30-72.
