Ауылға ҡайтҡан уҡытыусыларға - бер миллион һум

Башҡортостанда ауыл ерендә эшкә ҡайтыусы уҡытыусыларға 1 млн һум аҡса бүлеүҙе күҙаллаған программа оҙайтылды.

Ҡабул ителгәндә әлеге программа 2020-2022 йылдарҙа тормошҡа ашырылыр тип иҫәпләнә. Башҡортостан Республикаһы Хөкүмәте ҡарары менән уның ваҡытын 2023 йылға тиклем арттырҙылар. Был төр түләргә конкурс һайлап алыуын үтеп, халыҡ һаны 50 мең кешегә ҡәҙәр булған ауыл биләмәләрендә, эшселәр ҡасабаларында, ҡала тибындағы поселоктарҙа йәки ҡалаларҙа эшләй башлаған уҡытыусылар эйә була ала. Ауыл ерлегенә ҡайтып урынлашыусы педагогтар 50 йәштән өлкәнерәк булмаҫҡа тейеш. 1 млн аҡсаны алыр өсөн уларға хеҙмәт килешеүе буйынса уҡытыу ваҡыты 18 сәғәттән дә кәм булмаған эш аҙнаһы шарттарында аҙ тигәндә биш йыл кәрәк була.