Башҡортостан уҡыусылары һанлы белем кимәлен күтәрәсәк

Быға Рәсәй кимәлендәге социаль-белем биреү проекты булышлыҡ итәсәк. Уның ярҙамы менән йәш интернет ҡулланыусылар интернет ҡоролмаһының һәм һанлы технологияларҙың нескәлектәренә төшөнәсәк, ҡулланыуҙа тәжрибә ейәсәк, селтәрҙәрҙә хәүефһеҙ серфингҡа өйрәнәсәк. Чемпионат 9-25 ноябрҙә үтә.

Ул проекттың игра-интернет.рф рәсми сайтында уҙа. Һөҙөмтәләр 9 декабрҙә иғлан ителә. Мәктәп уҡыусылары шәхсән үҙҙәре йәки командаларға берләшеп ҡатнаша ала. Проект шулай уҡ уҡыусыларҙа һанлы технологияларға бәйле һөнәрҙәргә ҡыҙыҡһыныу уятыуҙы ла маҡсат итә. Онлайн-чемпионаттың быйылғы темаһы – «Һанлы дәүләт». Ярыш заданиелары һанлы хакимиәт, һанлы иҡтисад, һанлы дәүләт хәүефһеҙлеге, электрон белем биреү, аҡыллы ҡала темалары буйынса буласаҡ.

#национальныепроекты#регпроекты#нацпроектыБашкортостан