Күңелле лә һуң каникулдар!

Салауат мәктәбенең башланғыс кластар уҡыусылары өсөн каникулдар күңелле һәм файҙалы үтһен өсөн уҡытыусылары күп көс һала

Мәҫәлән, 3 ғинуарҙа балалар саф һауала футбол уйнаны, тюбингта шыуҙы, конькила уҙышты, башҡа төрлө ҡыҙыҡлы эстафеталарҙа көс һынашты. Был сараны уҡытыусылар В. М. Амангилдина, Р. Н. Минһажев, Э. Ш. Йосопова ойошторҙо.
5 ғинуарҙа 1-5 кластар ҡыҙҙары һәм малайҙары ата-әсәләре менән берлектә"Атай, әсәй һәм мин — спорт ғаиләһе" сараһында ҡатнашасаҡ. Ғөмүмән, балаларҙың һәр көнө файҙалы үтһен өсөн каникулдар тамамланғансы бик күп саралар планлаштырылған.