Иҫке Сибайҙа – заманса мәктәп

Баймаҡ районының Иҫке Сибай ауылында "Мәғариф" милли проекты сиктәрендә төҙөлгән мәктәп сафҡа индерелә.

375 уҡыусыға иҫәпләнгән өс ҡатлы бина 30 йылдан ашыу ауылға хеҙмәт иткән иҫке мәктәптең урынында төҙөлгән.
Яңы мәктәптең дөйөм майҙаны - 8 мең квадрат метр. Эсендә - уҡыу бүлмәләре, тренажер залы, ашхана, ҙур акт залы. Спорт зонаһында ике баскетбол, волейбол һәм еңел атлетика корты, шулай уҡ футбол яланы, ял һәм уйын майҙансыҡтары урынлашҡан.

Сығанаҡ: “Атайсал” гәзите сайты.