Йәшелсә, сәскә үҫентеләре кәрәкме?

Таштимер мәктәбенең теплицаһында кәбеҫтә, помидор, борос, ҡыяр һәм флокса, астра, годеция, петуния, агератум, газания, остеоспермум кеүек сәскәләр үрсетмәләләрен һатып алырға була.

Ошоға тиклем теплицалағы эштәр өсөн биология һәм география уҡытыусыһы Гөлнара Фәрит ҡыҙы яуаплы булған.  Быйылдан иһә йәшелсәләр үҫтереүҙе уға ҡалдырып, сәскәләр бүлеген башланғыс кластар уҡытыусыһы Динә Тайыповаға йөкмәткәндәр.

— Кемдәргә матур сәскәләр, төрлө йәшелсәләр үҫентеләре кәрәк — Таштимер мәктәбенә килегеҙ, — ти оҫта баҡсасылар. — Кәбеҫтәнең генә унлаған сорты үҫә беҙҙә, ә сәскәләрҙең ниндәйе генә юҡ...

Яҙғыһын теплицала үҫтерелгән үрсетмәләрен һаталар, унан инде теплицала иртә өлгөргән ҡыярҙы халыҡҡа тәҡдим итәләр . Йәйгеһен ҡарағат, сейә, көҙгөһөн кишер-сөгөлдөр, кәбеҫтә менән һатыу итәләр.

 Мәктәп баҡсаһында үҫтерелгән картуф, йәшелсәләр картуф та йыл әйләнәһенә балаларҙы ашатыуға ла етә, әле ашнаҡсылар балаларға өлгөргән редисканан, тәмләткес йәшел үләндәрҙән төрлө салаттар әҙерләй.

Таштимер мәктәбе тураһында тулы мәҡәләнең "Осҡон" гәзитенең 26 май һанында уҡырға мөмкин.