Финанс хәүефһеҙлеге буйынса олимпиаданың финал этабына әҙерлек бара

Ошо көндәрҙә, студенттар һәм уҡыусылар өсөн финанс хәүефһеҙлеге буйынса халыҡ-ара олимпиаданың башҡарма комитеты ултырышында һынауҙарҙың тәүге этабына йомғаҡ яһалған, шулай уҡ финал ярыштарын үткәреү мәсьәләләре тикшерелде.

      Быйыл яҙ үткән олимпиаданың яҡынса (вуз) этабында ҡатнашыуға 19 илдең 24 600 вәкиле теркәлгән, шул иҫәптән: - Рәсәйҙән 8 643 студент, - Бойондороҡһоҙ Дәүләттәр Берләшмәһе илдәренән 2 878 студент, - сит илдәрҙән 638 студент - 12 441 Рәсәй уҡыусыһы.

       Дуҫ илдәр граждандарының олимпиадаға ҡарата юғары ҡыҙыҡһыныуын иҫәпкә алып, Башҡарма комитет сит ил ҡатнашыусылары өсөн квоталарҙы ҡайтанан бүлеү тураһында мәсьәләне хәл иткән. Финалсыларҙың исемлеге августа үтәсәк һайлап алыу этабы йомғаҡтары буйынса билдәләнәсәк.

       Башҡарма комитет ҡарары буйынса олимпиаданың финал этабын үткәреүгә әҙерлек башланған.  Ул ағымдағы йылдың көҙөндә «Сириус» майҙансығында үтәсәк.

      Программала тест эштәре, саҡырылған эксперттар менән осрашыуҙар, спорт саралары, семинарҙар, практикумдар, оҫталыҡ дәрестәре, эш биреүселәр менән осрашыуҙар, түңәрәк өҫтәлдәр, фекер алышыуҙар ҡаралған.

       Еңеүселәр юғары уҡыу йорттарға, профилле йүнәлеш буйынса магистратураға йәки аспирантураға уҡырға ингәндә льготалар аласаҡ, шулай уҡ финанс хәүефһеҙлеге өлкәһендә үҙ хыялына ярашлы эш табыуы мөмкин буласаҡ.