+10 °С
Болотло
Антитеррор
Бөтә яңылыҡтар
Мәғариф
6 Февраль , 12:25

Беҙ тағы ла ҡатнашабыҙ!

Үткән уҡыу йылында “Уҡыусыларҙың инициативаһын бюджетлау” проекты буйынса республика конкурсында 1-се Асҡар урта мәктәбенең өлкән класс уҡыусылары советы тәҡдим иткән «Яугир» хәрби-патриотик ҡаласығы проекты еңеп сыҡты. Һәм быйыл йәнә ҡатнашырға ҡарар иттек.

Беҙ тағы ла ҡатнашабыҙ!
Беҙ тағы ла ҡатнашабыҙ!

Юғары класс уҡыусылары советының яңы составы тауыш биреүгә 5 проект тәҡдим итте: “Беҙ беренсе” медиаүҙәге, “Күптән үткән көндәр музейы” заманса мәктәп музейы, мәктәп ҡурсаҡ театры, яңыртылған тамаша залы һәм “Креатив” түңәрәктәр берләшмәһе.

Проекттарҙы яҡлағандан һуң, мәктәптә  йәшерен тауыш биреү уҙҙы. Күпселек тауыштар менән “Хыялымдағы тамаша залы” проекты еңеү яуланы. Ниәтебеҙ – тамаша залына проектор, экран, микрофондар һәм светомузыка ҡорамалы алыу. Республика конкурсында тағы ла еңергә насип булһын!

Ангелина ХӘЛИТОВА,

юғары класс уҡыусылары советы ағзаһы.

Автор:Гөлнара Күсәрбаева
Читайте нас: