Башҡортостан Башлығы белдереүенсә, быйыл республикала 31 мәктәпте ремонтлау күҙ уңында тотола, уларҙың алтауһында (Өфө, Күмертау, Стәрлетамаҡ, Бишбүләк, Әбйәлил, Баймаҡ райондарында) мәктәптәр ағымдағы йылда уҡ яңырасаҡ, ә ҡалған 25 учреждениела ремонт ике йыл дауам итәсәк. 2025 йылда тағы ла 8 мәктәп ремонтланасаҡ.
“Ошо маҡсатта 2024-2025 йылдарҙа федераль бюджеттан 3,335 млрд һум аҡса йәлеп итәсәкбеҙ. Был беҙҙең мәғариф системаһына ныҡлы ярҙам буласаҡ”, - тип билдәләне Радий Фәрит улы.
Федераль программа буйынса 2022 һәм 2023 йылдарҙа Башҡортостанда 140 мәктәптә ремонт башҡарылған.