+25 °С
Болотло
Мәғариф
2 Август 2024, 09:46
Башҡорт телен цифрлаштырыу уңайлымы икән?
Башҡортостан Республикаһы Башлығы Радий Хәбиров башҡорт телен һаҡлауҙы һәм үҫтереүҙе хуплай һәм башҡорт телен популярлаштырыуға һәм цифрлаштырыуға эҙмә-эҙ сәйәсәт төҙөй. Башҡорт телен һаҡлау һәм үҫтереү фонды проекттарының бер өлөшөнә финанс ярҙамын Башҡортостан Республика Башлығы гранттары фонды күрһәтә.
Башҡорт телен цифрлаштырыу уңайлымы икән?
- Беҙҙә грант ярҙамы системаһы яҡшы ойошторолған. Һуңғы биш йыл эсендә Башҡортотостан Башлығы гранттары фонды һәм Президент гранттары фонды был юҫыҡта ғәйәт ҙур эш алып бара, төрлө конкурстарҙа әүҙем ҡатнаша, - тип белдерҙе Башҡортостан Республикаһы Башлығы Радий Хәбиров.
Фонд «Bashword» һәм «Эшлекле башҡорт теле» мобиль ҡушымталарын булдырыуҙы ойоштора.
"Эшлекле башҡорт теле" мобиль ҡушымтаһы эшлекле аралашыу мәҙәниәте, үҙаллы эшләү өсөн төп теоретик мәғлүмәттәрҙе һәм рәсми-эшлекле лексиканың ҡыҫҡаса берләштергән интерактив уҡыу әсбабы булып тора. «Әлләсе», «IQbalaBash» һәм «ИНОФОН BASH» балалар өсөн мобиль ҡушымталарын камиллаштырыу өҫтөндә эшләү ҙә уңышлы бара.
Бына ошо цифрлаштырылған уҡыу әсбаптары менән ҡулланыу уңайлымы икәнлеген хеҙмәт юлын башҡорт телен үҫтереүгә, уны һаҡлауға бағышлаған БР атҡаҙанған уҡытыусыһы Зиниә Ғәлләмованан һораштыҡ.
–Төрлө мобиль ҡушымталар менән эшләйбеҙ. Бик уңайлы, мәҫәлән, «Bashword» 39 бүлектән, һәр бүлек 3 дәрестән тора. Бүлектәрҙә 117 дәрес, 800 тест һорауҙары, 1500 һүҙ һәм фраза тәҡдим ителә, улар тел белемен арттырырға мөмкинлек бирә. Дәрестәрҙең ябайҙан ҡатмарлыға төҙөлөүе бик тә уңайлы. "Эшлекле башҡорт теле" мобиль ҡушымтаһы үҙенең практик ғәмәлдәре менән отошло. “Туған телде өйрәнеү” ҡушымтаһын дистанцион белем алыуҙы еңелләштерә, балалар ҡыҙыҡһынып ултыра унда. Видеороликтар бик ярҙам итә. Мобиль ҡушымталарҙан «Әлләсе» менән эшләүе мауыҡтырғыс, ләкин ул йәш айырмаларыҡтарын иҫәпкә алмауы ҡыйынлыҡ тыуҙыра. Логик фекерләүҙе үҫтереүе бик шәп инде. Һәм башҡа мобиль ҡушымталарҙы ла ҡулланабыҙ, эшебеҙҙә улар бик ярҙам итә, цифравизация мауыҡтырғыс һәм уңайлы әсбап,– тип үҙ фекерен әйтте Зиниә Раил ҡыҙы.
Башҡорт телен цифрлаштырыу уңайлымы икән?
