2020 йыл - фольклориада йылы

Быйыл республикала ҙур мөһим сараның уҙыуы көтөлә. 18 июлдән 1 авгусҡа тиклем барасаҡ Мәҙәни Олимпиада булараҡ ойошторолған сараға 80-гә яҡын илдән өс меңдән ашыу кешенең киләсәк. Республика әлегә шартлы рәүештә 9 фестиваль төбәгенә бүленгән. Район һәм ҡалаларҙа 70 майҙансыҡ әҙерләнә. Концерттар ҡуйыласаҡ, шулай уҡ күргәҙмә, йәрминкәләр ойоштороласаҡ, милли уйындар үткәреләсәк.

Ҡунаҡтарҙың беҙҙең районға килеүе лә көтөлә. Фольклориаданы ҡабул итеү оло мәртәбә һәм яуаплылыҡ икәнен иҫәпкә алғанда, бындай мөһим сараға бөгөндән әҙерлек талап ителә.