Һеҙҙең иғтибарға — виртуаль концерттар

«Мәҙәниәт» милли проекты виртуаль концерттар, онлайн-тамашалар үткәреүҙе алғы планға ҡуйҙы һәм был бөтә ҡалаларҙа тормошҡа ашырыла. Рәсәй интернет-ресурстары кинотеатрҙарҙа барған бөтә премьераларҙы һанлы форматҡа күсереп, онлайн-режимға ҡуйҙы. Хәҙер һылтанмалар буйынса инеп, яңыраҡ ҡына премьераһы булған фильмдарҙы ла бушлай ҡарарға мөмкин. Музейҙар буйлап онлайн-экскурсиялар эшләй. Башҡортостан әртистәре лә был мөмкинлекте ҡулдан ысҡындырманы. Элвин Грей, Зәйнетдин кеүек популяр йырсылар ошо ялда онлайн-концерт тәҡдим итте.