Бөтә яңылыҡтар
Мәҙәниәт
12 Май 2020, 16:30

«Ғаилә ҡомартҡыһы» премияһы булдырылды

Рәсәйҙә ғаилә мәҙәни-тарихи мираҫын һаҡлауға һәм үҫтереүгә индергән өлөш өсөн «Ғаилә ҡомартҡыһы» милли премияһы башланғыс алды.

Премия граждандарға, ғаиләләргә, коммерция булмаған ойошмаларға, мәғариф һәм мәҙәниәт учреждениеларына, киң мәғлүмәт сараларына, социаль яуаплы бизнес вәкилдәренә тарихи хәтерҙе һаҡлау, милли оҡшашлыҡты формалаштырыу, ғаилә институтын нығытыу һәм йәштәрҙә әхлаҡ һәм илһөйәрлек тәрбиәләүҙә ғаиләнең ролен күтәреү буйынса башҡарылған хеҙмәт өсөн бирелә.
Быйыл «Ғаилә ҡомартҡыһы – 2020» премияһы туғыҙ номинация буйынса тапшырыласаҡ. Тулы мәғлүмәтте Башҡортостан Йәмәғәт палатаһы сайтынан ҡараға мөмкин.
Читайте нас в