Сибайҙа – виртуаль концерт залы буласаҡ

Был маҡсатта бер миллион һумдан ашыу аҡса бүленгән. Әле был суммаға мультимедия ҡоролмаһы, экран яңыртылған. Был ҡала халҡына симфоник музыканы “тере тауыш”та тыңларға мөмкинлек бирәсәк.

Әйткәндәй, “Мәҙәниәт” милли проекты сиктәрендә Асҡар балалар сәнғәт мәктәбе лә 3725766,08 һумлыҡ музыка инструменттары, ҡормаладары, уҡыу материалдары менән тулыланды. Йәғни сәнғәт мәктәбендә хәҙер яңы баян һәм аккордеондар, гармундар, уҡыу скрипкалары, домра, виолончель, балалайка, думбыра, пиониноларҙан тыш, интерактив таҡта, магнит-маркер таҡтаһы, мультимедия проекторы, ноутбук, компьютер, экран, һынлы сәнғәт бүлеге өсөн мольберттар һәм музыкаль әҙәбиәт әсбаптары һатып алынған.