Башҡортостан лидерлыҡты биләй

«Мәҙәниәт» милли проектының өҫтөнлөклө йүнәлештәренең береһе – балалар сәнғәт мәктәптәрен музыка ҡоралдары менән йыһазландырыу.

Төбәк проектының был саралары буйынса Башҡортостан Волга буйы федераль округында лидер булып тора.

Хөкүмәттә үткән оператив кәңәшмәлә мәҙәниәт министры Әминә Шафиҡова контрактация тулыһынса тамамланыуын хәбәр итте. Әлеге ваҡытта аҡсаларҙы үҙләштереү һәм йыһаздар ҡайтарыу эше бара. Республиканың 14 сәнғәт мәктәбенә һәм 3 колледжға 457 берәмек музыка ҡоралдары, 1152 берәмек башҡа ҡорамалдар, 1922 уҡыу-уҡытыу материалдары һатып алынған.