Милли проект ярҙамында финанслау өс тапҡырға артырылған

Федераль аҡсалар ярҙамында мәҙәниәт өлкәһендә финанслау һиҙелерлек яҡшырған. 2020 йыл эсендә генә был маҡсатта 335 миллион һум йәлеп ителгән булған, был 2019 йыл менән сағыштырғанда 1,8 тапҡырға күберәк. "Мәҙәниәт" милли проекты ярҙамында был сумма өс тапҡырға артҡан.

Шуныһы иғтибарға лайыҡ, 2020 йылда “Мәҙәниәт” милли проектының бөтә күрһәткестәре лә үтәлгән. “Урындағы мәҙәниәт йорто”, “Театрҙар – балаларға”, “Бәләкәй ҡалалар театрҙары” федераль проекттары тормошҡа ашырылған. 2020 йылда һалынған, ремонтланған, яңыртылған мәҙәниәт учреждениелары һаны 403-кә еткән. Был йүнәлешкә һалынған көс республикабыҙҙың һәр мөйөшөндә мәҙәниәт учреждениеларына йөрөү мөмкинлеге асылыуына йүнәлтелгән.