Бельгияла гастролдә

Фәйзи Ғәскәров исемендәге бейеү ансамбле Бельгияла “Рәсәй мәҙәниәте көндәре”ндә сығыш яһай.

Беҙҙең бейеүселәр был көндәрҙә ҙур бурыс үтәй. Улар  “Мәҙәниәт” милли проект сиктәрендә, РФ Мәҙәниәт министрлығы ярҙамында илебеҙҙең мәҙәни биҙәктәрен күрһәтеүсе сарала ҡатнаша. Ғәскәровлылар Бельгия Короллегенең баш ҡалаһы Брюсселдә Башҡортостандың мәҙәни үҙенсәлеген күрһәтәсәк.

Бельгиялылар  «Ете ҡыҙ», «Гөлнәзирә», «Заһиҙә» бейеүҙәре менән танышасаҡ. Шулай уҡ билдәле балетмейстер Хашим ағай Мостаев ҡуйған «Бөрйән ҡыҙҙары», Риф Ғәбитовтың «Баҡыр үксә», «Көтөүсе йыры», Рәис Низаметдиновтың «Ете ырыу», Алексей Шишкиндың «Калинка» бейеүҙәрен күрәсәк.