«Иң яҡшы ҡатын-ҡыҙ роле өсөн» бүләк - Башдрамда

Республикала  "Мәҙәниәт" милли проекты сиктәрендә мәҙәниәтебеҙҙе үҫтереү өлкәһендә күп эштәр башҡарылып, артистарыбыҙҙың төрлө конкурс-бәйге-фестивалдәрҙә еңеү яулай.

 «Хәбәр» III милләт-ара театр фестивале 11 октябрҙә Коми-Пермь милли драма театрында уҙҙы. Фестивалдә Башҡортостан, Татарстан, Воронеж һәм Пермь театрҙары ҡатнашты.

Еңеүселәрҙе Владимир Спешков, Глеб Ситковский һәм Екатерина Кострикова составындагы жюри баһаланы.

Мәжит Ғафури исемендәге Башҡорт дәүләт академия драма театры Николай Крашенинников романы буйынса ҡуйылған «Амелия» спектаклен тәҡдим итте.
Башҡорт дәүләт академия драма театры актрисаһы, Әбйәлил килене Гөлнара Казакбаева «Хәбәр» милләт-ара театр фестиваленең «Иң яҡшы ҡатын-ҡыҙ роле өсөн» бүләгенә лайыҡ булды. Гөлнара Казакбаева 2007 йылда М. С. Щепкин юғары театр училищеһын тамамлай һәм шул ук йылда Мәжит Ғафури исемендәге Башҡорт академия драма театры труппаһына ҡабул ителә.