Мораҡайҙа клуб төҙөлә

Мораҡай ауылында заманса клуб һалына.

–Һуңғы осорҙа район етәкселеге тарафынан  Мораҡайға ҙур иғтибар бирелә. Былтыр ауылдың урамдары яҡтыртылды, унан алдағы йылда ауылға интетрнет килде. Быйыл иһә июль айында йорттар “зәңгәр яғыулыҡ”ҡа т оташтырылды. Әле килеп заманса клуб төҙөлә, – тип ҡыуанысы менән уртаҡлаша ауылдың ҡатын-ҡыҙҙар советы һәм ветерандар ойойшмаһы рәйесе Зәмирә Фәтхуллина. – Яңы йылды яңы клубта ҡаршыларыбыҙға өмөт ҙур.

Клуб сафҡа инһә, ул “Мәҙәниәт” милли проекты үтәлешенә лә үҙ өлөшөн индерәсәк.