Балалар уйын формаһында тәбиғәттәге йәнлектәрҙе һүрәтләне һәм улар ниндәй ролдәр уйнауын асты, әйтәйек бүре - урман санитары, ҡарға йыш ҡына сағыу әйберҙәргә булған һөйөү өсөн бур, ә ҡуян - ҡурҡаҡ.
Кескәй тамашасылар шулай уҡ үҙҙәрелә ҡатнашты: урман санитары балаларға ҡулдарҙы йыуырға һәм гигиенаны һаҡларға кәрәклеген хәтергә төшөрҙө.
Икенсе «Ер» спектакленең сюжет нигеҙенә башҡорт легендаларынан образдар һалынған. Йәш тамашасылар театрының спектакле иммерсиялы булды: тамашасылар актерҙар менән бер рәттән тауышланды, персонаждарға ярҙам итте, сюжетта ҡатнашты. Балаларға айырыуса махсус эффекттар оҡшаны.
14 сентябрҙән 17-нә тиклем Башҡортостан Башлығы Радий Хәбировтың башланғысы менән Өфөлә «Әйҙә уйнайыҡ» Бөтә Рәсәй уйындар фестивале уҙа. Сараны Башҡортостан Хөкүмәте һәм Балалар тауарҙары индустрияһы предприятиелары ассоциацияһы ойошторҙо.