Уларға уҡырға инеү еңелерәк буласаҡ

#нацпроекты#регпроекты#нацпроектыБашкортостан

Асҡын районы Асҡын ауылының 1-се мәктәбендә Өфө дәүләт нефть техник университеты кабинеты асылды. Сара "Мәғариф" милли проекты маҡсаттарына тап килә.

ӨДНТУ-ның класы үҙ һөнәрен техник йүнәлештәр менән бәйләргә теләгән 9 - 11 класс уҡыусыларын берләштерәсәк. Улар өсөн семинарҙар, конференциялар ойоштороласаҡ. Мәктәп уҡыусылары юғары уҡыу йорттары уҙғарған олимпиадаларҙа һәм конкурстарҙа ҡатнашасаҡ, уҡырға ингәндә улар өҫтәмә балл бирәсәк. Шулай уҡ республиканың алдынғы юғары уҡыу йорттарына барыу ҡаралған.

Пленар өлөш сиктәрендә һөнәри йүнәлеш биреү эшенең перспективалары тикшерелде. Һүҙ мәктәп, юғары уҡыу йорто һәм эш биреүселәр араһында хеҙмәттәшлек тураһында барҙы. Сара спикерҙары буласаҡ абитуриенттарҙың һорауҙарына яуап бирҙе. Район башлығы Динис Йосопов Өфө дәүләт нефть техник университеты һәм “Газпром трансгаз Өфө” яуаплылығы сикләнгән йәмғиәте араһында хеҙмәттәшлек өсөн рәхмәт әйтте һәм Асҡын районы студенттары тыуған яҡты данлар, тигән ышанысын белдерҙе.

Нефть университеты студенттары өлкән класс уҡыусылары өсөн оҫталыҡ дәрестәре үткәрҙе. Бынан тыш, уҡыусыларға Өфө дәүләт нефть техник университетына йөрөргә мөмкинлек биргән башланғыс класлы студент билеттары тапшырылды. Киләсәктә Өфө дәүләт нефть техник университетының класын 2-се мәктәптә лә асыу күҙаллана. Бынан тыш, планда “предуниверсарий” асыу. Ул уҡыусыларҙы бишенсе кластан юғары уҡыу йортона инеүгә әҙерләргә ярҙам итәсәк.

Билдәле булыуынса, “Мәғариф” (национальный проект “Образование”) милли проекты Рәсәй Президенты Владимир Путиндың май указы менән булдырылды.

Фото: Асҡын районы хакимиәте.