Инйәр – Белорет автомобиль юлында элемтә бәйләнеше буласаҡ

Хөкүмәт Премьер-министры Андрей Назаров етәкселегендәге Хөкүмәт ултырышында Башҡортостан дәүләт идаралығының һанлы үҫеш министры Геннадий Разумикин республиканың 2025 йылға һанлы үҫеш пландары һәм бурыстары тураһында һөйләне.

– “Мәғлүмәттәр иҡтисады һәм дәүләтте һанлы үҙгәртеү” яңы милли проектын (национальный проект "Экономика данных и цифровая трансформация государства") тормошҡа ашырыу башлана. Ул башлыса Ватан программа тәьминәтенә күсеүҙе, көндәлек ҡарарҙарҙы һәм һанлы платформаларҙы киң ҡулланыуҙы, шулай уҡ яһалма интеллект ҡулланыу иҫәбенә күп эшмәкәрлек төрҙәрен автоматлаштырыуҙы тәьмин итәсәк. Бөтә йорттарҙы сифатлы киң һыҙатлы интернетҡа тоташтырыу мөмкинлеген булдырыу планлаштырыла. Был йәһәттән беҙҙә яҡшы нигеҙ булдырылған. Бәйләнеште үҫтереү буйынса инфраструктура проекттарын уңышлы тормошҡа ашырҙыҡ. Мәғлүмәт системалары һәм сығанаҡтары, мөһим инфраструктура объекттары хәүефһеҙлеген тәьмин иттек. Алдынғы һанлы ҡарарҙар индереүҙе һәм Республикаға идара итеү үҙәген үҫтереүҙе дауам иттек, – тип билдәләне Башҡортостан Республикаһы Хөкүмәте Премьер-министры Андрей Назаров.

“Мәғлүмәт иҡтисады” милли проектында (национальный проект "Экономика данных") өс төбәк проекты айырып күрһәтелгән: “Ватан ҡарарҙары” ("Отечественные решения"), “Социаль өлкә тармаҡтарында һанлы платформалар” ("Цифровые платформы в отраслях социальной сферы"), “Һанлы дәүләт идаралығы” ("Цифровое государственное управление"). “Социаль өлкә тармаҡтарында һанлы платформалар” проекты сиктәрендә яҡынса бер миллиард һум күләмендә төп федераль финанслау үткәрелә һәм мәғариф учреждениеларында сифатлы һәм хәүефһеҙ ИТ-инфраструктура булдырыуға йүнәлтеләсәк.

– Яңы милли проект сиктәрендә эшмәкәрлеккә өҫтәп, республикала тораҡ пункттар өсөн элемтә тәьмин итеү буйынса эш дауам итә. Быйыл “Һанлы тигеҙһеҙлекте бөтөрөү” проектын (реализацию проект "Устранение цифрового неравенства") әүҙем тормошҡа ашырыуҙы дауам итеү планлаштырыла. Был проект сиктәрендә 2023 йылда 242 ауылда 4G база станциялары сафҡа индерелде. 2025 йылдың беренсе кварталында тағы 50 ауылда база станцияларын эшләтеп ебәреү планлаштырыла. Дөйөм алғанда, проектҡа Башҡортостандың 1286 тораҡ пункты индерелгән, был илдең бөтә төбәктәре араһында иң юғары күрһәткес булып тора. Был тораҡ пункттарҙы тоташтырыуҙы 2030 йылға тамамлау планлаштырыла, – тине Геннадий Разумикин.

2025 йылда Башҡортостанда элемтә инфраструктураһын үҫтереү дауам итәсәк, яңы ҡорал – Инвестиция һалым ташламаһы эшләй башланы. Башҡортостан Хөкүмәте “Мобильные ТелеСистемы” асыҡ акционерҙар йәмғиәте менән килешеү төҙөгән, уның менән Архангел – Инйәр автомобиль юлы участкаһында элемтә инфраструктураһын булдырыу буйынса эштәр алып барыла. Республиканың Архангел районының Тирәкле һәм Уҫаҡлы ауылдарында бәйләнеш тәьмин ителгән. 2024 йылда Белорет районының Архангел ауылынан Ҡолмас ауылына тиклемге участкала бөтәһе алты база станцияһы файҙаланыуға тапшырылды. 2025 йылда Инйәр ауылына тиклем биш база станцияһы эшләй башлаясаҡ. Икенсе этап – 2026 – 2027 йылдарҙа Инйәр – Белорет автомобиль юлы участкаһында элемтә инфраструктураһын булдырыу.

Граждандар өсөн хеҙмәттәр иғтибарһыҙ ҡалмай. План буйынса-республика граждандарының берҙәм электрон реестры тулыландырыласаҡ, унда граждандарҙың төрлө категориялары тураһында мәғлүмәттәр тупланасаҡ. Был хеҙмәттәрҙе әүҙем режимда онлайн күрһәтергә мөмкинлек бирәсәк. Һандар министрлығы “АЛҒА” картаһы буйынса бушлай йөрөү хоҡуғына эйә булған граждандарҙың ташламалы категориялары буйынса мәғлүмәттәр кәштәһен булдырырға, федераль дәүләт хеҙмәттәре порталында 25 төбәк хеҙмәтен әҙерләргә һәм “ГОСТЕХ” платформаһында социаль хеҙмәттәр эшләү буйынса пилот проектты тамамларға ниәтләй. 2025 йылға мөһим бурыс – электрон төрҙә хеҙмәт һорап мөрәжәғәт иткән граждандарҙың өлөшөн 95,3 проценттан 97 процентҡа тиклем арттырыу.

ИТ-тармаҡҡа ярҙам итеү өсөн эшмәкәрлекте һөҙөмтәле алып барыу өсөн һалым ярҙамы сараларын алыу тураһында республика ҡануниәтенә төҙәтмәләр индерелгән. Шулай уҡ компанияларҙы республика реестрына индереү мөмкинлеге барлыҡҡа килә, унан өҙөк дәүләт аккредитацияһын алыу процедураһын күпкә ябайлаштырырға мөмкинлек бирә. Уңайлылыҡ өсөн төбәк дәүләт хеҙмәттәре порталында тейешле хеҙмәт эшләй башланы. Башҡортостан Республикаһында төбәк предприятиеларына комплекслы ярҙам күрһәтеү өсөн шарттар булдырылған. Бер нисә йыл эсендә федераль сығанаҡтарҙан йәлеп ителгән аҡсаның дөйөм күләме 6,4 миллиард һум самаһы тәшкил итә. Ултырыш йомғаҡтары буйынса Башҡортостан Республикаһы Хөкүмәте Премьер-министры Андрей Назаров төбәкте һанлаштырыу һәм ҡуйылған бурыстарҙы үтәү өлкәһендә артабан үҫтереү кәрәклеген билдәләне.

Фото: pravitelstvorb.ru.

Сығанаҡ: "Башҡортостан" гәзите сайты.