Депутат милли проекттар буйынса төҙөлөүсе объекттарҙы ҡараны

Көн тәртибенә алынған бихисап пландары араһында Зариф Закир улы “Һаулыҡ һаҡлау” милли проекты сиктәрендә төҙөлөүсе үҙәк район дауаханаһының балалар поликлиникаһын ҡарарға ваҡыт бүлде.

Проекттың дөйөм суммаһы 487,1 миллион һум.  Депутат подрядсылар, дауахана етәкселеге менән осрашып, эштәр барышы менән ҡыҙыҡһынды, яңы объекттың һәр ҡатын шәхсән ҡарап сыҡты.

“Демография” милли проекты буйынса район үҙәгенең Көнсығыш-1 биҫтәһендә төҙөлөш барған 640 урынға  яңы мәктәптә лә булып, эштәрҙең тамамланыуға барыуына инанды.

Мәғлүм булыуынса “Хазина” полилингваль белем усағының 160 балаға иҫәпләнгән балалар баҡсаһы өлөшөндә төҙөлөш тамамланып, 1 сентябргә файҙаланыуға тапшырылды. Проектты тормошҡа ашырыуға 727,5 млн һум аҡса бүленгән.