Башҡортостан һанлы микрофинанс ярҙамы буйынса лидерҙар иҫәбендә

Башҡортостан микрокредит компанияһы награданы МСП.РФ һанлы платформаһында «Микрофинанслауҙы һайлап алыу һәм алыу» сервисы аша эш һөҙөмтәләре буйынса алды. «Һанлы лидер» исемендә 2025 йылда Рәсәй Федерацияһының бәләкәй һәм урта эшҡыуарлыҡ субъекттарының һанлы ҡоралдарын файҙаланып иң ҙур аҡса бүлгән 12 төбәктән дәүләт микрофинанс ойошмалары билдәләнде. Был саралар “Һөҙөмтәле һәм конкурентлы иҡтисад” (национальный проект “Эффективная и конкурентная экономика”) милли проекты сиктәрендә тормошҡа ашырыла, тип хәбәр итә республиканың Эшҡыуарлыҡ һәм туризм министрлығы.

Бәләкәй һәм урта эшҡыуарлыҡ вәкилдәре өсөн заманса һанлы финанс мөхитен булдырыуға тос өлөш индергән алдынғы дәүләт микрофинанс учреждениеларын Бәләкәй һәм урта эшҡыуарлыҡ корпорацияһы билдәләгән.

— Рәсәйҙең Бәләкәй һәм урта эшҡыуарлыҡ субъекттарының берҙәм һанлы платформаһы, федераль һәм төбәк ярҙам сараларын, кредиттарҙы, бәләкәй һәм урта эшҡыуарлыҡ өсөн уҡытыу программаларын туплап, Башҡортостан эшҡыуарҙарына ярҙам итеүҙең мөһим ҡоралына әүерелде. Эшҡыуарлыҡҡа ярҙам институттары һәм коммерция секторы араһындағы үҙ-ара һанлы бәйләнеш бизнес-процестарҙы тиҙләтергә мөмкинлек бирә, - тип һыҙыҡ өҫтөнә алды Башҡортостан Республикаһының эшҡыуарлыҡ һәм туризм министры Светлана Верещагина.

Бынан тыш, Башҡортостан микрокредит компанияһы күрһәтелгән ярҙам күләменең юғары күрһәткестәре өсөн “Масштаб”  һәм 2025 йылда Бәләкәй һәм урта эшҡыуарлыҡ корпорацияһы индергән яңы сервис функцияларын әүҙем файҙаланғаны өсөн “Новатор” номинацияларында билдәләнгән.

Ағымдағы йылда займ алған эшҡыуарҙар билдәләүенсә, платформа бизнесты башлау өсөн бик яҡшы ресурс һәм ярҙамсы булып тора, сөнки һәр кем файҙалана алырлыҡ дәүләт ярҙамы сараларын аңлауҙы ябайлаштыра.

Сығанаҡ: "Башҡортостан" гәзите сайты.