-15 °С
Ҡар
Бөтә яңылыҡтар
Милли проекттар
3 Февраль , 17:45
Ҡаҙағстан баҙарына сығыу юлдары асыла
“Халыҡ-ара кооперация һәм экспорт” милли проектына ярашлы, Башҡортостандың тышҡы иҡтисади бәйләнештәр һәм конгресс эшмәкәрлеге министрлығы күп тармаҡлы бизнес-миссияла ҡатнашыу өсөн компанияларҙы һайлау башланыуы тураһында иғлан итә. Ул Ҡаҙағстан Республикаһының Астана ҡалаһында 23-27 февралдә үткәрелә, тип хәбәр итә министрлыҡ.
Ҡаҙағстан баҙарына сығыу юлдары асыла
Был бизнес-миссияның маҡсаты сауҙа-иҡтисади бәйләнеште әүҙемләштереү, Башҡортостан предприятиеларына Ҡаҙағстан баҙарына сығыуға ярҙам итеү, эшлекле партнерҙар араһында тура бәйләнештәрҙе көйләү.
–Экспортерҙар өсөн үҙҙәренең продукцияһын күрһәтеү, һорауҙы өйрәнеү, ышаныслы партнерҙар табыу өсөн был уникаль мөмкинселек. Беҙ аныҡ һөҙөмтәгә маҡсатланғанбыҙ - сеймал булмаған экспортты арттырыу, Ҡаҙағстан компаниялары менән оҙайлы кооперация бәйләнештәрен булдырыу, – тине Тышҡы иҡтисади бәйләнештәр һәм конгресс эшмәкәрлеге министры Маргарита Болычева.
Ҡатнашыусылар өсөн тығыҙ эшлекле программа әҙерләнгән.
Сығанаҡ һәм фото:https://bashgazet.ru/articles/milli-proekttar/2026-02-03/kompaniyalar-biznes-missiyala-atnasha-4562473
Новости партнеров