“Йәшел мәктәп”кә рәхим итегеҙ!

Рәсәй экология операторы (РЭО) мәктәп уҡыусылары өсөн “Йәшел мәктәп” интерактив онлайн-курстары башлай. 

Уҡыусылар өсөн ҡалдыҡтарҙы ҡабаттан эшкәртеү тураһында видеояҙмалар әҙерләнгән. Материалдар уҡыу йылы башланыуға мең мәктәпкә ебәрелә. Видеодәрестәрҙе түләүһеҙ school.reo.ru сайтында ҡарарға була.

БР Тәбиғәттән файҙаланыу һәм экология министрлығы педагогтарҙы һәм балаларҙы яңы проектта ҡатнашырға саҡыра. Балалар менән үткәрелгән һәр экологик белем биреү сараһы үҫеп килгән быуында экологик мәҙәниәт тәрбиәләүҙә булыша, был “Экология” милли проекты ҡуйған маҡсаттарға һәм бурыстарға тулыһынса тап килә, тип хәбәр итә ведомствоның матбуғат хеҙмәте.