Гөлназ Ҡотоева – “Йылдың баш мөхәррире”

24 – 25 майҙа Мәскәүҙә "Сифатлы пресса һәм уның үҫеш перспективалары" тигән медиафорум үтте .

Унда "Башҡортостан ҡыҙы" журналы “Рәсәй прессаһы алтын фонды”ның 1-се дәрәжә тамғаһына лайыҡ булды.

Мәскәүҙә үткән юғары форумда журналдың баш мөхәррире, яҡташыбыҙ Гөлназ Ҡотоева “Прессаның алтын фонды” конкурсының “Йылдың баш мөхәррире”  махсус дипломы менән бүләкләнде.

Гөлназ Мират ҡыҙын ошо мәртәбәле еңеүе менән әбйәлилдәр исеменән ҡотлайбыҙ, тағы ла юғарыраҡ үрҙәр яуларға яҙһын.