2025 йылда Башҡортостанда Яныбай Хамматовтың 100 йыллығы билдәләнә

Яныбай Хамматов 1925 йылдың 16 ғинуарында Белорет районының Исмаҡай ауылында крәҫтиән ғаиләһендә тыуған. Инйәр урта мәктәбендә уҡый, йәйге каникулдарҙа алтын йыуыу приискыларында эшләй, шунда старателдәр ауыр тормошо менән таныша.

1942 йылдың авгусында Яныбай Хамматов Ҡыҙыл Армия сафына саҡырыла һәм Һарытау өлкәһенең Вольск ҡалаһын әҙерлек үтергә ебәрелә. 1942 йылдың аҙағында бомбаға тотоу ваҡытында ауыр контузия алғас, ярты йылға яҡын госпиталдәрҙә дауалана. Һуңынан Орскиҙа кесе авиация белгестәре мәктәбен тамамлай. Хәрби ҡаҙаныштары өсөн II дәрәжә Ватан һуғышы ордены һәм күп миҙалдар менән бүләкләнә. 1946 йылда яуҙан ҡайтҡас, Әүжән алтын приискыһында эшләй, район гәзитендә мәҡәләләрен һәм шиғырҙарын баҫтыра. Шунда уҡ уның старателдәр тормошо тураһында беренсе хикәйәһе донъя күрә.

Яныбай Хамматов — егермегә яҡын роман, тиҫтәләгән повесть һәм хикәйәләр авторы. Ул – «Бөртөкләп йыйыла алтын», «Аҡман-тоҡман», «Йәшенле йәй», «Юрғашты», «Руда», «Йондоҙҙар ниск ҡабына», «Тыуған көн», «Төньяҡ амурҙары», «Башҡорттар китте һуғышҡа…» һәм башҡа әҫәрҙәр авторы. Уның әҫәрҙәре рус, украин, азербайжан телдәренә тәржемә ителгән. РСФСР-ҙың атҡаҙанған мәҙәниәт хеҙмәткәре, Салауат Юлаев исемендәге дәүләт премияһы лауреаты. Яныбай Хамматов 2000 йылдың 28 сентябрендә донъя ҡуйған һәм Өфөлә ерләнгән.

                                                                                                                                                                                                                                        Баһауетдинова Гульсара Маратовна,

                                                                                                                                                                                                                                        Йәнгел урта мәктәбе уҡытыусыһы