Сафта йөрөү оҫталығын күрһәттеләр

Смотрҙа район мәктәптәренән 14 команда ҡатнашты. Уҡыусылар сафта йыр менән йөрөү һәм командаларҙы үтәү оҫталығында ярышты. МЧС, шайморатовсылар, юнармейсылар, мәктәптәр командалары командирҙарҙың бойороҡтарҙы теүәл үтәне. Балалар үҙҙәрен ысын һалдаттар итеп тойҙо, яуаплы эште аҙағына тиклем алып барып еткерҙеләр. Һәр команда үҙенең формаһын кейгән –ысын йәш ыласындарға оҡшаған ине улар. Командирҙар баш судья, 1-се Асҡар мәктәбенең ОБЖ уҡытыусыһы Айгөл Абдрахмановаға рапорт тапшырҙы. Уҡыусыларҙың оҫталығын судьялар – район мәғариф бүлеге начальнигы урынбаҫары Илнур Илһамов, район профсоюз комитеты рәйесе Айҙар Хәкимов, хәрби хәрәкәттәр ветераны Илгиз Хәйризаманов баһаланы

Ярыш һөҙөмтәләре буйынса:

 1 урын – Т.Кусимов исемендәге Асҡар гимназияһы (Фәттәхов Т.Р.)

 2 урын –1-се Асҡар мәктәбе (Абдрахманова А.Х.)

2 урын – Сиҙәм мәктәбе (Рәжәпов С.Х.)

3 урын – Амангилде мәктәбе (Йәһүҙин Ф.Г.)

3 урын – Таштуй мәктәбе (Сафиуллин Р.А.)

3 урын – Йәнгел мәктәбе (Ғәләүетдинов А.Р.

Строй күнекмәләрен иң яҡшы үтәгән Михайловка мәктәбе командаһы, отделение менән иң яҡшы эшләгән Ташбулат мәктәбе командиры, сафта барғанда йырҙы иң яҡшы башҡарыусы тип Красная Башкирия командаһы табылды.

“Еңеүгә ихтыяр өсөн” номинацияһында Ишҡол, Гусев, Дәүләт, Таштимер, Хәмит мәктәптәре командалары билдәләнде.