Запастағыларҙы хәрби йыйындар көтә

Рәсәй Президенты Владимир Путин запастағы ғәскәри хеҙмәткәрҙәрҙе хәрби йыйындарға саҡырыу тураһында Указға ҡул ҡуйҙы. Был документ хоҡуҡи мәғлүмәт интернет-порталында донъя күрҙе.

Улар өсөн йыйындар Рәсәй Ҡораллы көстәрендә, Рәсәй гвардияһы ғәскәрҙәрендә, дәүләт һағы органдарында һәм Федераль именлек хеҙмәтендә үтәсәк. Бындай сара Министрҙар Кабинетына һәм төбәк етәкселегенә уҙғарырға ҡушылды. Указ 29 июндән үҙ көсөнә инде.