Алыҫ көнсығыш үҫеш программаһы оҙайтыла

Рәсәй Президенты Владимир Путин Алыҫ көнсығыш федераль округы (ДФО) үҫеше милли программаһын 2035 йылға тиклем оҙайтыуҙы хупланы.

Был хаҡта Рәсәй Хөкүмәте Премьер-министры Михаил Мишустин белдерҙе.

"Кисә Президент Хөкүмәт ағзалары менән кәңәшмә үткәрҙе, унда шул иҫәптән беҙҙең Алыҫ көнсығышҡа эш сәфәре йомғаҡтары тикшерелде. Хөкүмәт был округ буйынса иҡтисади һәм социаль өлкәне үҫтереү, айырыуса халыҡты борсоған мәсьәләләр буйынса тәҡдимдәрен еткерҙе. Президент беҙҙең ошо төбәкте үҫтереү сараларын хупланы ", — тине ул.