Рәсәй миротворецтарын Таулы Ҡарабахҡа урынлаштырыуҙың төп сәбәбе аталды

Таулы Ҡарабахта ҡасаҡтарҙы йәшәгән урындарына ҡайтарыу, уларҙың именлеген, хәүефһеҙлеген тәьмин итеү. Ошо буласаҡ Рәсәй миротворецтарының төп бурысы, тип белдерҙе Президент Владимир Путин “Россия-24” телеканалы эфирында. Унда урынлашҡан Рәсәй хәрбиҙәре, уларға тейешле барлыҡ өҫтәмә түләүҙәрҙе аласаҡ. Таулы Ҡарабахтағы миротворецтар һаны буйынса һорауға яуап итеп, әлеге ваҡытта уларҙың һаны етерлек, үҙгәрешһеҙ ҡала, тине В. Путин.