Алдан тауыш биреү нисек үткән?

«Берҙәм Рәсәй»ҙә яңы көстәр – партия кандидаттар күрһәтеү һөҙөмтәләре менән таныштырҙы.

Башҡортостанда алдан тауыш биреүҙә 156 кеше теркәлгән. Кандидаттар араһында 36-нан 50 йәшкә тиклемгеләр – 45 процент тәшкил итһә, йәштәр ҙә әүҙемлек күрһәткән, улар - 35 процент. «Алдан тауыш биреүҙә ҡатнашыусыларҙың 43 проценты «Берҙәм Рәсәй» партияһы ағзаһы түгел. Иң йәшенә 21, иң оло кешегә быйыл 72 йәш туласаҡ», - тип билдәләне «Берҙәм Рәсәй» партияһының төбәк башҡарма комитеты етәксеһе Рөстәм Әхмәҙинуров.

Праймеризда республиканың билдәле шәхестәре, сәйәсмәндәр, йәмәғәт эшмәкәрҙәре, табиптар, эшҡыуарҙар ҡатнашасаҡ.

Һайлаусыларҙы теркәү 28 майға тиклем дауам итәсәк. Дәүләт Думаһында «Берҙәм Рәсәй»ҙе күрһәтәсәк кандидаттарҙы һайлаясаҡтары тураһында 4,8 миллион кеше белдергән, был һайлаусыларҙың 5 проценты тигән һүҙ.
«Берҙәм Рәсәй» -алдан тауыш биреү процедураһын уҙғарған һәм кандидаттар исемлеген һайлаусылар фекере нигеҙендә төҙөгән берҙән-бер партия. Был процедура үҙе 24-нән 30 майға тиклем асыҡ формала уҙасаҡ – унда «Дәүләт хеҙмәттәре» порталында раҫланған һәм теркәлеү үткән кандидаттар ҡатнашасаҡ. Йомғаҡ 1 июндә яһаласаҡ.