Хөкүмәт ағзалары менән кәңәшмә

Дәүләт башлығы видеоконференция режимында Рәсәй Хөкүәмте ағзалары менән үткәргән кәңәшмәлә илдең социаль-иҡтисади үҫеш мәсьәләләре тикшерелде. Короновирус инфекцияһына бәйле хәл һәм грипп ауырыуҙары артыу миҙгеленә әҙерлек хаҡында Һаулыҡ һаҡлау министры Михаил Мурашко бәйән итте.. Тәбиғәт ресурстары һәм экология министры Александр Козлов гидрометеорология хеҙмәте үҫеше һәм тирә-яҡ мөхит мониторингы хаҡында мәғлүмәт еткерҙе. Төҙөлөш һәм торлаҡ-коммуналь министры Ирек Фәйзуллин күп фатирлы йорттарҙы капиталь ремонтлау системаһын камиллаштырыу саралары хаҡында һөйләне. Һанлы үҫеш, элемтә һәм киң коммуникациялар министры Мәҡсүт Шадаевтың доклады федераль трассаларҙы һәм ауылдарҙы юғары тиҙлекле интернет менән тәьмин итеүгә арналды.