В. Путин Дагестан Башлығы менән осрашты

Ил етәксеһе Владимир Путин Дагестан Республикаһы Башлығы Сергей Меликов менән осрашты.

Осрашыуҙа төбәктәге социаль-иҡтисади хәл тураһында һөйләшеү булды.

Сергей Меликов  Владимиру Путинға республикалағы  эпидемиологик хәл тураһында ла еткерҙе. Уның әйтеүенсә, Дагестанда халыҡты иммунизациялау дауам итә, күрһәткестәр һиҙелерлек яҡшырған.

Сергей Меликов бында мөфтиәттең ролен юғары баһаланы, ул пандемия башланғандан алып ауырыуҙың киң таралыуына юл ҡуймау маҡсатында әүҙем эш алып бара, был йүнәлештә власҡа уның яғынан бөгөн дә ярҙам өҙөлмәй.