+13 °С
Ясно
Рәсми бүлек
9 Июня 2022, 18:14
Һумды көсәйтеү өсөн
Рәсәй Президенты Владимир Путин экспортерҙарға валюта кеременең 50 процентын һатыу тураһында талапты ғәмәлдән сығарҙы. #ВладимирПутин
Хәҙер валюта керемен мотлаҡ һатыу өлөшөн Хөкүмәт комиссияһы билдәләйәсәк. Указ хоҡуҡи мәғлүмәт порталында баҫылған.
Килемде һатыу буйынса экспортерҙар өсөн талап ҡалды, ләкин хәҙер уның күләмен сит ил инвестицияларын тормошҡа ашырыуҙы контролдә тотоу буйынса хоҡуҡи комиссия атҡарасаҡ. Уның ваҡытын Үҙәк банктың директорҙар Советы билдәләй.
28 февралдән экспортерҙарға бөтә тышҡы сауҙа килешеүҙәре сиктәрендә алынған валюта кеременең 80 процентын ул килгән көндән алып өс эш көнө эсендә һатырға ҡушылғайны.
Был сара һумды көсәйтеүгә йүнәлгән булды. Ул көнбайыш санкциялары индерелгәндән һәм сит илдә алтын-валюта резервтарын япҡандан һуң, мәжбүри сара ине.
Апрелдә сеймал булмаған экспорт секторы өсөн валюта табышын һатыу ваҡыты өстән 60 эш көнөнә тиклем арттырылды. Артабан экспортерҙар үҙҙәренең валюта табышының бер өлөшөн һатыу ваҡыты 120 эш көнөнә етте. Май аҙағында экспортерҙарҙың валюта керемен мотлаҡ һатыу өлөшө 80-дән 50 процентҡа тиклем кәметелде.
Финанс министрлығы һуңғы ҡарарҙың, һумдың курсын тотороҡландырыу һәм эске валюта баҙарында сит ил валютаһының кимәле етерлек булыуына өлгәшеү менән аңлатты.
