В. Путин энергетика министры менән осрашты

Владимир Путин Рәсәй Федерацияһының Энергетика Министры Николай Шульгинов менән осрашты.

Осрашыуҙа яғыулыҡ-энергетика комплексының эш һөҙөмтәләре һәм Рәсәйҙә генә түгел, Донбаста ла көҙгө-ҡышҡы осорға әҙерлек мәсьәләләре тикшерелде.

Министр Рәсәйҙең ҡышҡа әҙерлек эштәре башланыуын һәм көҙгө-ҡышҡы мәлгә етерлек яғыулыҡ запасы булыуын белдерҙе. Николай Шульгинов шулай уҡ йылытыу миҙгеленә әҙерлек планлы һәм штатлы режимда барыуын әйтте.