«Балалы ғаиләләргә өҫтәмә ярҙам итеү саралары тураһында»ғы федераль законға төҙәтмәләр индерелде. Һүҙ белем биреү эшмәкәрлегенә лицензияһы булған шәхси эшҡыуарҙар хаҡында бара. Мәғариф өлкәһендә эшҡыуарҙар шәхси балалар баҡсаһы асыусы йәки репетитор булараҡ теркәлеүе мөмкин.
Әлеге ваҡытта әсәлек капиталын торлаҡ шарттарын яҡшыртыуға, балаларға белем биреүгә, әсәнең пенсияһының тупланма өлөшөн булдырыуға, инвалид балаларҙы социаль яраҡлаштырыуға тотонорға була ине.
Ағымдағы йылда ғаиләлә тәүге бала тыуғанда 524,5 мең һум ала. Икенсе балаға әсәлек капиталы күләме, әгәр ғаилә уны беренсеһе тыуғандан һуң алмаған икән 693,1 мең һум, әгәр алған булһа 168,6 мең һум тәшкил итә.