Рәсәйҙә Европа Советы уставының ғәмәлдә булыуы туҡтатылды

Ил Президенты Владимир Путин Рәсәй Федерацияһының Европа Советында ағзалыҡты туҡтатыу менән бәйле Дәүләт Думаһына тейешле башланғыс индергәйне. 2022 йылдың 16 мартынан үҙ көсөн юғалтҡан Халыҡ-ара килешеүҙәр араһында Европа Советы уставы (1949 йылдың 5 майындағы), Кеше хоҡуҡтарын һәм төп азатлыҡтарҙы яҡлау тураһында конвенция (1950 йылдың 4 ноябрендәге), терроризмды туҡтатыу тураһында Европа конвенцияһы, Европа Советының өҫтөнлөктәре һәм иммунитеттары тураһында генераль килешеү, урындағы үҙидараның Европа хартияһы, шулай уҡ Европа социаль хартияһы бар.

         Рәсәй 2022 йылдың мартында Европа Советы составынан, ә сентябрҙә Кеше иректәре һәм хоҡуҡтары юрисдикцияһынан сығыу сәбәптәре  көн кеүек асыҡ, тип иҫкә төшөрҙө Дәүләт башлығы. Путин һүҙҙәренсә, Рәсәйҙең Кеше хоҡуҡтары буйынса берҙәм советтан сығыу эҙемтәләре ентекле уйланылған. Ул Рәсәй судтарының граждандар хоҡуҡтарын ышаныслы яҡлай алыуына ышаныс белдерҙе.

        17 ғинуарҙа Рәсәй Президенты Дәүләт Думаһына Рәсәйгә ҡарата Европа Советының халыҡ-ара килешеүҙәрен ғәмәлдән сығарыу тураһында закон проектын индергәйне. Башланғыс, атап әйткәндә, Кеше хоҡуҡтарын һәм төп азатлыҡтарҙы яҡлау тураһында конвенцияға, Терроризмды бөтөрөү тураһында конвенцияға, Европа союзының өҫтөнлөктәре һәм иммунитеттары тураһында генераль килешеүгә, Европа социаль хартияһына һәм тағы ла 10-ға яҡын протоколға ҡағыла ине.