«Ауыл» программалары 2030 йылға тиклем оҙайтыласаҡ

Рәсәй Президенты Владимир Путин «Ауыл табибы», «Ауыл фельдшеры» һәм «Ауыл уҡытыусыһы» программаларын 2030 йылға тиклем оҙайтырға ҡушты. Был хаҡта Кремль сайты хәбәр итә.

«Рәсәй Федерацияһы Хөкүмәтенә: «Ауыл табибы», «Ауыл фельдшеры» һәм «Ауыл уҡытыусыһы» программаларын ғәмәлгә ашырыу ваҡытын 2030 йылға тиклем оҙайтырға», — тиелә документта.

Докладтарҙы 25 сентябргә һәм 20 декабргә тиклем тапшырырға кәрәк. Бының өсөн яуаплы итеп премьер-министр Михаил Мишустин тәғәйенләнде.

Сығанаҡ: “Башинформ”