Владимир Путин һәм Ҡытай Халыҡ Республикаһы рәйесе Си Цзиньпин Рәсәй менән Ҡытай араһында дипломатик мөнәсәбәттәр урынлаштырылыуға 75 йыл тулыу уңайынан һәм Рәсәй менән Ҡытай мәҙәниәте йылдарын асыуға арналған тантаналы концертта ҡатнашты.
Йыл Рәсәй Президенты Владимир Путин һәм Ҡытай Халыҡ Республикаһы рәйесе Си Цзиньпин ҡарары буйынса иғлан ителә. Мәҙәниәт йылдары сиктәрендә мәҙәниәттең бөтә йүнәлештәре буйынса 230-ҙан ашыу сара планлаштырылған: музыка һәм театр сәнғәте, музей алмашыныуы, китапхана эше, кинематография, ижади белем биреү һәм креатив индустриялар. Мәҙәни акциялар Ҡытайҙың 51 ҡалаһында һәм Рәсәйҙең 38 ҡалаһында үтәсәк. Мәҙәниәт Йылдарында рәсәйҙең бөтә федераль округтарынан 44 төбәге ҡатнаша. Йылдарҙы асыу тантанаһы Пекинда 2024 йылдың майында үтә.