Төҙөүселәр бүләкләнде

Өфөлә Башҡортостан Башлығы Радий Хәбиров төҙөүселәр көнө алдынан дәүләт наградаларын тапшырҙы. Төбәктең төҙөлөш комплексында эшләгән 68 хеҙмәткәрҙең һөнәри ҡаҙаныштары почет грамоталары, исемдәр һәм рәхмәт хаттары менән билдәләнде.

-Беҙ һеҙҙең уңыштарығыҙ менән ғорурланабыҙ. Республиканың төҙөлөш комплексы яҡшы һөҙөмтәләр күрһәтә. Башҡортостан йылдан-йыл Волга буйы федераль округында һәм  Рәсәй Федерацияһында торлаҡты сафҡа индереү буйынса алдынғы позицияларҙы нығыта. Былтыр рекордлы күләм -3,3 миллион квадрат метр торлаҡ төҙөлгән. Быйыл был юғары планканы һаҡлап ҡалырға ниәтләйбеҙ. Беҙ ил Президенты ҡуйған бурысты хәл итергә – 2030 йылға йыл һайын 4 миллион квадрат метр торлаҡ сафҡа индерергә тырышасаҡбыҙ. Заманса һәм уңайлы торлаҡтан тыш, һеҙ меңәрләгән производство, инженер һәм социаль объекттар төҙөйһөгөҙ, - тине Радий Фәрит улы.