В. Путин Чечняла булды

Рәсәй президенты Владимир путин төбәк башлығы резиденцияһында Чечня башлығы Рамзан Ҡадиров менән осрашты. Рәсәй лидеры республиканы үҫтереү буйынса эштең тәьҫирле һөҙөмтәләрен билдәләне. “Күргәндәрем һоҡландыра. Хәҙер Һеҙ Грозныйҙы үҫтереү планы тураһында һөйләнегеҙ, һәм мин тағы бер тапҡыр ҡабатларға теләйем: әгәр инде нимә эшләнгәнен күрмәһәм, был пландарҙың тормошҡа ашырылыуына ышаныуы ҡыйын булыр ине,– тине Путин. Осрашыу барышында Ҡадиров Путинға Чечен Республикаһына ҙур иғтибар биргәне өсөн рәхмәт белдерҙе һәм төбәктең уңыштары күп осраҡта Рәсәй лидеры ярҙамында өлгәшелеүен билдәләне. "Беҙҙең республикала социаль-иҡтисади хәл тотороҡло, эшһеҙлекте кәметеү буйынса әүҙем эш алып барыла. Алдан билдәләүемсә, беҙ уны йыл аҙағына тиклем 5 процентҡа кәметергә ниәтләйбеҙ", - тип билдәләне Ҡадиров.

Бынан тыш, Чечня башлығы хәбәр итеүенсә, төбәк милли проекттарҙы һәм федераль проекттарҙы үтәү буйынса беренсе урынды биләй. Бынан тыш, республика махсус операцияла әүҙем ҡатнаша, тип билдәләне Ҡадиров. "Беҙҙә һеҙҙең беренсе бойороғоғоҙ буйынса махсус операция зонаһына сығырға әҙер булған бер нисә тиҫтә мең өйрәтелгән һәм йыһазландырылған яугирҙән торған резерв булдырылған", – тине Ҡадиров.