Путин БРИКС илдәре вәкилдәре менән осрашты

Рәсәй президенты Владимир Путин Санкт-Петербургта Константин һарайында БРИКС илдәренең хәүефһеҙлек мәсьәләләре буйынса юғары вәкилдәре менән осрашты. БРИКС дәүләттәре вәкилдәренең ике көнлөк осрашыуы РФ Именлек Советы секретары Сергей Шойгу рәйеслегендә асылды. Рәсәй БРИКС-та 2024 йылда рәйеслек итә.

Рәсәй Президенты Халыҡ-ара берләшмә илдәренән килгән ҡунаҡтарҙы Константин һарайының мәрмәр залында ҡаршы алды. Улар менән һөйләшкәндән һуң БРИКС-тың ҡайһы бер вәкилдәре менән ике яҡлы осрашыуҙар ҙа булды.

РФ Президентының матбуғат секретары Дмитрий Песков хәбәр иткәнсә, осрашыуҙа киләсәк донъя ҡоролошо параметрҙары, Көнбайыш тарафынан индерелгән ҡағиҙәләргә нигеҙләнгән тәртипте еңеп сығыу, конфронтация һәм донъя эштәрендә күҙалланмаҫлыҡ шарттарҙа ғәмәлдәрҙе координациялау һәм башҡа күп мәсьәләләр ҡаралған.

ФОТО:gudok.ru